Admin المدير العام
عدد الرسائل : 81 العمر : 33 تاريخ التسجيل : 01/04/2008
| موضوع: حمله تغير ((((اخلاق فى اخلاق)))) الإثنين مايو 12, 2008 5:13 am | |
| الدرس الأول : في حملة التغيير أخلاق x أخلاق
[color:dc9f=darkred]► إماطــة الأذى عــن الطريــق ◄
الحملة دي احنا اللي هنقوم بيها بنفسنا زي حملة حماية كده وعايزين نفس الانجازات
اللي حصلت نحققها في الحملة دي
وهيكون واجب الدرس الأول لينا كلنا هو ازالة أي شئ يقابلنا عند السير في الطريق
يسبب الأذى للغير قشرة موزة - زجاجة مكسورة - صخرة في وسط الشارع
يعني ثواب بيكون قدامنا ويضيف لينا حسنات كتير
وطبعا بما اننا هنزيل أي أذى في الطريق فمن الواجب علينا اننا منرميش أي حاجة في الشارع
يعني كيس شبسي ولا بسكوتة بعد ما تخلص أو تخلصي تحطه في سلة المهملات
مفيش سلة مهملات نحطها في الشنطة بالنسبة للبنات وللولاد في جيبك لغاية ما تقابل
سلة المهملات وتروح رميها فيها
وبكده يبقى حافظت على نظافة المكان وكمان عيييب أوي لما نرمي في الشارع ويجي راجل كبير
قد جدنا أو ست قد جدتنا وتشيل ورانا الزبالة دي
فلو كلنا بدأنا بنفسنا هتبقى حاجة جميلة أوي
ومننساش حديث رسولنا الحبيب
[ الإيمان بضع وسبعون شعبة أو بضع وستون شعبة، فأفضلها قول لا إله إلا الله،
وأدناها إماطة الأذى عن الطريق والحياء شعبة من الإيمان]
وفي حديث آخر عن أبي هريرة قال: قال رسول الله :
[كل سلامى من الناس عليه صدقة... ثم قال: وتميط الأذى عن الطريق صدقة]
رواه البخاري ومسلم
وقال: [بينما رجل يمشي بطريق وجد غصن شوك على الطريق فأخره، فشكر الله له فغفرله]
ياريت اللي هيشارك معنا وهينفذ بالفعل هو اللي يرد
واللي مش هيشارك يشاور عقله تاني ويشارك في عمل خير جماعي يجمعنا سويا
في الجنة باذن الله
مع خالص تحيتي وتقديري لكم | |
|